ប្រធានក្រុមប្រឹក្សាខេត្តកំពត អញ្ជើញចុះជួបសំណេះសំណាល សួរសុខទុក្ខ និងចែកអំណោយជូនបងប្អូនប្រជាពលរដ្ឋខ្វះខាតចំនួន ២៧គ្រួសារ

ខេត្តកំពត ៖ នាព្រឹកថ្ងៃអាទិត្យ៤កើត ខែបឋមាសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១៣ ខែមិថុនា ឆ្នាំ២០២១ ឯកឧត្តម ជឹង ផល្លា ប្រធានក្រុមប្រឹក្សាខេត្តកំពត និងមានការអញ្ជើញចូលរួមពី ឯកឧត្តម លោកជំទាវ សមាជិកក្រុមប្រឹក្សាខេត្ត ក្រុមការងារថ្នាក់ខេត្តចុះមូលដ្ឋានស្រុកបន្ទាយមាស ប្រធានមន្ទីរ-អង្គភាពមួយចំនួន ជុំវិញខេត្ត និងសប្បុរសជន បានអញ្ជើញចុះជួបសំណេះសំណាល សួរសុខទុក្ខ ស្វែងយល់ពីបញ្ហាប្រឈមប្រចាំថ្ងៃ និងចែកអំណោយជូនបងប្អូនប្រជាពលរដ្ឋខ្វះខាតចំនួន ២៧គ្រួសារ នៅឃុំបន្ទាយមាសខាងកើត ស្រុកបន្ទាយមាស ខេត្តកំពត ។

មានប្រសាសន៌នាឳកាសនោះ ឯកឧត្តមប្រធាន បានសង្កត់ធ្ងន់ លើការដាំដំណាំរួមផ្សំជាលក្ខណៈគ្រួសារដូចជា៖ ការដាំបន្លែ និងចិញ្ចឹមមាន់ ព្រោះវាអាចកាត់បន្ថយការខ្វះខាតរបស់បងប្អូននៅមូលដ្ឋាន ក្នុងកាលៈទេសៈដែលប្រទេសជាតិ កំពុងទទួលរងនូវហានិភ័យពីជំងឺរាតត្បាតកូវីដ-១៩។

ក្នុងនោះ ឯកឧត្តមប្រធាន បន្តណែនាំឳ្យបងប្អូនប្រជាពលរដ្ឋត្រូវគោរពតាមបទបញ្ជាដ៏ខ្ពង់ខ្ពស់របស់សម្តេចតេជោ និងក្រសួងសុខាភិបាល ដោយត្រូវបង្កើនការប្រុងប្រយ័ត្ន និងពង្រឹងការអនុវត្តវិធានការ ៣ ការពារ និង៣ កុំ អោយបានមឺងម៉ាត់ ដើម្បីចូលរួមទប់ស្កាត់ការរីករាលដាលជម្ងឺកូវីដ-១៩។ ឯកឧត្តមប្រធាន បានពន្យល់ថា ៣ការពារ មានដូចជាៈ (លាងដៃ ពាក់ម៉ាស រក្សាគម្លាត)។ ៣កុំ (១៖ កុំនៅកន្លែងមនុស្សច្រើន កុំនៅកន្លែងបិទជិត កុំប៉ះពាល់គ្នា)។

អំណោយដែលបានចែកជូនបងប្អូនប្រជាពលរដ្ឋដែលកំពុងខ្វះខាតចំនួន ២៧គ្រួសារ រួមមាន៖ ឯកឧត្តមប្រធាន និងសប្បុរសជន បានឧបត្ថម្ភក្នុង០១គ្រួសារ ទទួលបាន អង្ករ ២៥គីឡូ មី១កេស ទឹកត្រី៦ដប អំបិល១គីឡូ ត្រីខ១យួរ ប្រេងឆា១ដប ខ្ទឹមសរ១គីឡូ ប៉ីចេង១កញ្ចប់ ម៉ាស់១ប្រអប់ សារ៉ុង ១ និងថវិកា៥០,០០០ រៀល បានផ្តល់ពូជមាន់ជូនបងប្អូនប្រជាពលរដ្ឋចំនួន៦ គ្រួសារ ១គ្រួសារ/១០ក្បាល និងជូនយុវជនស.ស.យ.ក ១០នាក់ យុវជនគណបក្ស ១០នាក កម្លាំង១៧នាក់ ពេទ្យ០១នាក់ និងអាជ្ញាធរឃុំ ភូមិ ១៧នាក់ សរុប ៥៥នាក់ ក្នុង០១នាក់ ទទួលបានថវិកា ២០,០០០រៀល អស់ថវិកា ១,១០០,០០០ រៀល ។